INFOMAYA

U káasal u meyaj u láak’ jejeláas Comisiones Permanentes tu noj molay Congreso Yucatán.

2021-09-21

Tu noj kaajil Jo’, Yucatán, 21 ti’ septiembre 2021

Te’ u ka’ap’éel k’iina’, káasa’ab u meyaj jo’o’péel Comisiones Permanentes ti’ le LXIII legislatura, le ti’al, Desarrollo Económico yéetel  Fomento al Empleo; ti’ Desarrollo Agropecuario; ti’ Medio Ambiente; ti’ Educación, Ciencia yéetel Tecnología; beey xan ti’ Cultura Física yéetel Deporte, tuláakal kása’abo’ob tu kúuchilil Sala de Usos Múltiples “Consuelo Zavala Castillo”.

Le u Presidentei le u Juntai Gobierno yéetel Coordinación Política le noj molay Congreso Víctor Hugo Lozano Poveda tu tsolaj, ikil u káajsal u meyaj le Comisiones Permanentesob le Diputados yéetel Diputadaso’ob yaan u k’u’ubulti’ob le iniciativas ma’aj ts’o’oks’ab u xak’alta’alo’ob, ba’ale unaj u k’ubik u yóolo’ob ti’al u séeb xak’alta’al ti’al ka ilak wa yaan u aprobarta’al wa ka desecharta’ak je’ex bix u tusbeeltik le u reglamentoi le a’almajt’aano’ob

Le Comisión ti’ Desarrollo Económico le u Presidentailo’ Karla Franco Blanco (PRI) tu tsolaj, le u tuukulmeyajo’ leti’e u xak’altiko’ob ba’alo’ob yaan u yil yéetel u náajal taak’inil ek lu’umil je’ex bix ti’al u kompajal ba’alo’ob, industrias turismo yéetel kúucilo’ob meyaj

Ichil le Comisionob ku táakpajal le u Diputada  Movimiento Ciudadano (MC), Vida Gómez Herrera, bey Vicepresidenta; le u Diputadosi PAN, Esteban Abraham Macari yéetel Erik Rihani González, bey Secretarios; Vocales, le u Diputadosi  PAN, Raúl Romero Chel, yéetel  Carmen González Martín; ti’ Morena, Alejandra Novelo Segura.

Le u Presidentei le Comisión ti’ Desarrollo Agropecuario, Esteban Abraham (PAN) tu tsolaj,le Comisionob u meyaj le u xak’altik ba’alo’ob yaan u yil yéetel u jejeláas meyajil u pa’ak’al lu’um, u ts’éenta’al ba’alche’ob,  u meyajil kaab, yéetel chujkayil ek lu’umil

Tu tsolaj xan unaj u tse’elel u tuukuli partidos politicos ti’al u junp’éelchajal u tuukulil meyaj ti’al u yutsil kaaj tumeen jach u k’iinil ti’al u jel ch’a’ajo’olta’al u meyajil ek lu’umil

Le u Vocal le Comisionob Rafael Echazarreta Torres (Morena) tu tsolaj xan le Comisionob junp’éel u noj chuunil meyajil ti’al u jel káasa’al u meyajil u náajal taak’inil ek lu’umil kex tu k’iinil le u pandemia Covid 19, le óolal tu páayta’anaj u láak’ diputados ti’al u múulmeyajo’ob ti’al u béeytal u tóoch’pajal u meyajil ek lu’umil
Le Comisionob ku táakpajal xan le u Diputada MC Gómez Herrera bey Vicepresidenta, le u Diputadosi PRI Fabiola Loeza Novelo yéetel ti’ PAN Romero Chel bey Secretarios, Vocales le u Diputadai PAN Melba Gamboa yéetel González Martin
Le u Presidentei le Comision ti’al Medio Ambiente Harry Rodríguez Botello Fierro(PVEM) tu tsolaj, le Comisionob kun xak’altik ba’alo’ob yaan u yil ti’al u kaláanta’al u sijnáalil ek lu’umil

Ichil le Comisiónon ku táakpajal le u Diputadoi  PAN, Rihani González, bey Vicepresidente; le Diputadai PRI, Franco Blanco, yéetel ti’ PAN, Karla Salazar González, bey Secretarias; Vocales le u Diputadoi  PAN, Lozano Poveda yéetel Jesús Pérez Ballote; ti’ Morena, Jazmín Villanueva Moo.

Le u Presidentei le Comisión ti’ Educación, Crescencio Gutiérrez González (Nueva Alianza),tu tsolaj, le Comisionob kun xak’altik ba’alo’ob yaan u yil yéetel u meyajil kaambesajil ek lu’umil

Le u jejeláas meyajil ku beeta’al ti’ jejelás najil xook media superior, le u meyaj Jala’achil ti’al u yantal uts kaambalil, beeyxan le u Jolpo’opilo’ob u méek’tankaajilo’ob ek lu’umil tu yóola kaambesajil

Ichil le Comisionob ku táakpajal le u Diputadai PAN Ingrid del Pila Santos Díaz bey Vicepresidenta, le Diputadai PAN Manuela Cocom Bolio yéetel Luis Fernández Vidal bey Secretarios, Vocales le u Diputadai PRI Franco Blanco, ti’ Morena Rubi Be Chan yéetel ti’ PAN Abraham Macari

Ti’al u ts’ooke’ le u Presidentai le Comisión ti’ cultura Física yéetel Deporte Karen Achach Ramírez (PAN) u tsolaj, le Comisiona ku xak’altik ba’alo’ob yaan u yil yéetel deporte, educación física, le u ch’úukta’al u janal t’aaj kaaj

Le u beeta’al páayt’aanil ti’al u beetpajal máank’inalo’ob tu yóolal cultura física weu t- lu’umil ti’al  líik’il kajnáalo’ob nuka’an u tuukulo’ob, u wíinkilo’ob ti’al u yantal utsmúulkuxtalil
Ichil le comisionob ku táakpajal le u Diputadai PAN Santos Díaz bey Vicepresidenta, le u Diputadai Morena Be Chan yéetel ti’ PAN Abril Ferreyro Rosado bey Secretarias, Vocales le ti’ MC Gómez Herrea yéetel ti’ PAN Gamboa Avila, beey Xan ti’ PVEM Harry Rodriguez

QUEREMOS SABER DE TI, DEJA TU MENSAJE