INFOMAYA

Ku mu’uk’ankúunsa’al u múul meyajil Congreso ek lu’umil yéetel noj naajil xook UADY

2021-10-15

Tu noj kaajil Jo’, Yucatán, 15 ti’ octubre 2021.

Le u Congresoi Yucatán yéetel le najil xook Universidad Autónoma de Yucatán (UADY) tu jets’ob u yóolol ti’ jump’éel mokt’aan ti’al u mu’uk’ankúunsa’al u múulmeyajil, xaak’alil yéetel u beeta’al jejeláas a’almajt’aan, le je’elo’ ku taasik u páajtalil u k’a’ama’al u xaak’alt’aano’ob especialistas ti’al beeta’al nuka’an a’almajt’aano’ob.

Tu kúuchilil Sala “Maestra Consuelo Zavala Castillo” le Diputada Presidenta ti’ le Mesa Directiva Pilar Santos Díaz (PAN) tu tsolaj, yéetel le u páajtalil múulmeyajil ku taasik kuuchmeyajil  ti’al u jach táaj ma’alobkíinsa’al le meyajil legislativo je’ex bix u beeta’al tu yáax k’iinil u meyaj le túumben legislatura.

Ikil u táakpajal le aj xoknáalo’ob k’a’ana’an ti’al u jeltúumbensa’al u paakatil u beeta’al a’almajt’aano’ob ma’ chéen ti’al le noj molay Poder Legislativo, ti’al u óoxjaatsilil u Jala’achilo’ob kaaj, le u tuukul táankelemo’ob yabkach uts ba’alo’ob ku taasik.

Le u nojochil le najil xook UADY José de Jesus Williams tu ya’alaj le je’elo junp’éel noj jets’t’aan múulmeyaj ku chuumbensik bix kun nupikuba xaak’almeyaj le molayila’, ku béeykunsa’al xan u náats’al le ajxooknáalilo’ob ikil kun beetiko’ob u prácticas profesionales ti’al u k’ajóoltiko’ob bix u beetiko’ob u meyaj le u Diputadosi le Congreso

Uchik u firmarta’al le Convenio táakpaj le u presidentei le Juntai Gobierno yéetel Coordinación Política le Congreso Víctor Hugo Lozano Poveda (PAN), le Diputados, Alejandra Novelo Segura (MORENA), Eduardo Sobrino Sierra (PRD), le u directori le u najil xook Derecho ti’ UADY Carlos Macedonio, yéetel le u Director ti’ desarrollo académico Carlos Estrada Pinto

QUEREMOS SABER DE TI, DEJA TU MENSAJE