INFOMAYA

Ku túuxta’al t’aan ti’ le Camarai Diputados ti’al ma’ u ts’eliko’ob le áantajil fiscales ku ts’a’abal ti’ mejen productores.

2021-10-20

Tu noj kaajil Jo’, Yucatán, 20 ti’ octubre 2021.

Le Diputado Esteban Abraham Macari (PAN) tu túuxtaj t’aan ti’ le Diputados Federales ti’al u táakbeso’ob ichil u xaak’alil le paquete fiscal ti’al u ja’abil 2022 ma’ u tse’elel  ichil le iniciativa ti’al impuesto ku bo’ota’al ti’ náajalil le áantajil fiscales ku ts’a’abal ti’ mejen productores.

Abraham Macari tu jets’aj u t’aanil, ma’ ti’al u kaxanta’al u luk’sa’al wa ma’ le u presupuesto sector rural, ku kaxanta’al le u p’íitkunsa’al le impuesto ku bo’otik mejen productores.

Táan le Sesionob aprobarta’ab tumeen u mayoría le diputadosob le u desecharta’al le iniciativas p’a’at tumen le LXII  Legislatura jóok’ob, le Diputado Gaspar Quintal Parra (PRI) tu tsolaj, táan le u Juntai Gobierno ch’a’ab u t’aanil chéen ku archiva’arta’al ti’al ma’ u pe’eta’al tiempo ikil u ka’a xak’alta’al tumeen le ka’aj k’u’ub le iniciativao junp’éel u t’aan kaaj beey xan luk’sa’an u tuukulil ba’ax partido k’ubej, kun láaj túuxta’al tu molay xaak’alil Instituto ti’ Investigaciones Legislativas, wáa yaan diputados taak u ch’a’ajo’oltik u xak’alta’ale je’el u béeytal u k’ubik táan le Legislatura.

 Tu jeljets’aj  u t’aanil ,múuch ch’a’abil beeta’ab u t’aanil je’ex bix u jets’ik le a’almajt’aanil Congreso ichil le articulo 17Bis tu yóolal bix ku xak’alta’al iniciativas tu noj nail Congreso.

Táan le Sesionob túuxta’ab ti’ le Comisión ti’ sijnáalil ti’al u káajal u xak’alta’al le iniciativa tu yóolal cambio climático ti’al u lu’umil Yucatán túuxta’ab tumeen Jala’achil.

Le Diputadosob tu múuch’ aprobarto’ob le u Dictameni le Comisión ti’ Postulación ikil kun k’u’u’bul le chíimpolal “Medico del Año en el Estado de Yucatán” tu k’iinl 27 ti’ octubre táan Sesión Solemne ti’ la ajts’akyaj Luis Arjona Canto tu yóolal le seen uts meyaj ts’aakal yéetel ts’aaj xookil ts’aakankil ku beetikob

Le u Presidentai le Comisiono Abril Ferreyro Rosado (PAN) tu chíimpoltaj le u meyaj xaak’al le u  Diputadosi táan le Comisionob tumeen le noj chíimpolalo’ob junp’éel noj ba’al ti’ máaxo’ob ku meyajo’ob ajts’ayajo’ob yéetel ts’aakankil tu yóolal u tooj óolal kajnáalo’ob

Beey xan ts’a’ab ojéeltbi k’a’am Oficios ti’ le legislatura u noj lu’umilo’ob Hidalgo, Queretaro, le ti’ le molay IEPAC túuxta’an tumeen le ajka’ansaj Alicia del Pilar Lugo Medina yéetel ti’ le molay Administración yéetel Finanzas túuxta’ab tumen Olga Rosas Moya.

 Asuntos generales.

Ichil asuntos generales, le Diputada Dafne López Osorio (PAN) tu k’ubaj junp’éel Punto de Acuerdo ti’al u túuxta’al t’aan ti’ Gobierno Federal ti’al u túuxtik nonoj taak’iin ti’al u ja’abil 2022 ti’a u beeta’al jejeláas nu’ukbesajil meyaj ti’al u tojtáanta’al le k’aas k’oja’anil cancer de mama je’ex bix u tusbeeltik le noj a’almajt’aan constitucional  ti’al u k’a’ayta’al, u tsikal, u kaláanta’al yéetel u béeyta’al u nu’ukbesal u páajtalil uts tooj óolal tuláakal lu’umkabililo’ob.

Le Diputada Vida Gómez Herrera (MC) tu k’ubaj xan u láak’ Punto de Acuerdo ti’al u túuxta’al t’aan ti’ u Jala’achil u lu’umil Yucatán ti’al u beet jejeláas meyaj tu yóolal tooj óolal tuukulil ti’al u lu’umil Yucatán.

Beey xan le acuerdos ts’oka’an u beeta’al táan le u Consejo ti’ salud mental tu lu’umil Yucatán ti’al u yila’a ba’ax tsoolnu’ukil ku beeta’al tu kúuchil jejeláas najil xook tu yóolal kaambalil, ikil u ts’a’abal capacitación ti’ u jmeeylilo’ob ts’aakankil tu yóolal le u k’oja’anilo’ob tuukul ti’al u kaláanta’al mejen paalalo’ob, le ti’al u yojéelta’al jayp’éel kúuchilo’ob ts’oka’an u je’ebel ti’al u k’a’amal máaxo’ob yaan k’oja’anil tu tuukulo’ob, beey xan ti’al u túuxta’al t’aan ti’ autoridades federales ti’al u ts’a’abal nonoj u presupuestoi je’ex bix jets’a’an ichil u a’almajt’aanile’ ti’al u tojtáanta’al u meyajil ts’aakankil le k’ona’anil salud mental ti’ kajnáalo’ob

Le Diputado Crescencio Gutiérrez González (Nueva Alianza) tu k’ubaj junp’éel iniciativa ti’al u yantal internet tu jejeláas najil xook básica ti’al u béeytal u nu’ukbesal tumeen ajka’ansajo’ob, xoknáalo’ob tumen jach táaj k’a’ana’an ti’al kaambalil. 
Le Diputada Alejandra Novelo Segura (Morena) na’ak tribuna u tsol walki jayp’éel p’isk’iina’ le u noj Jalachil u lu’umil México tu túuxtaj ti’ le Camarai Senadores le iniciativai  energética tu’ux yaan u compromisoi ti’al ma’ u p’áatal mina’an corriente mix tu’ux wey t noj lu’umil, ti’al u éemsa’al u tojol, leti’e ku tojtáanta’alo’ob

Léeily beey tu tsikbaltaj le Diputadosil Morena Jazmín Villanueva Moo y Rafael Echazarreta Torres. 

Ti’al u xuule’, beeta’a’b u páayt’aanil ti’al le u láak’ Sesión Solemne tu’ux kun k’u’ubul le noj chíimpolal “Médico del año en el Estado de Yucatán” tu k’iinil 27 ti’ octubre las 11 jatskabil.

QUEREMOS SABER DE TI, DEJA TU MENSAJE