INFOMAYA

Ku nojba’alkúunsa’al u tuukul le úuchben Jala’achil Federico Granja Ricalde

2021-11-03

Tu noj kaajil Jo’, Yucatán, 3 ti’ noviembre 2021.

Le u Diputadosi le LXIII Legislatura tu tsikbe’ento’ob le u k’aaba’ yéetel junsúutukil xma’at’aanil le úuchben Jala’achil ek lu’umil Federico Granja Ricalde, tumen k’íim tu k’iinil martes 2 ti’ noviembre ti’ le ja’aba’.

Le u Presidentei le Juntai Gobierno yéetel Coordinación Política le Congreso Víctor Hugo Lozano Poveda (PAN) na’ak t’aan tribuna ti’al u túuxtik u yaayaj óolal ti’ u paalal yéetel ti’ u yatam le úuchben Jala’achilob máax pata’an u k’aaba’ xan bey “Cuco”.

Táan Pleno tu xokaj ba’ax seen meyail u beetmaj yuum Federico Granja Ricalde, ka’aten u beetmubaj diputado local tu noj molay Congreso Yucatán tu’ux tu náajaltaj le u chíimpolal u éetailo’ob ti’ je’e ba’ax partidoi tu yóolal le uts meyaj tu beetaj ichil política federal yéetel estatal.

Léeily táan le Sesión Ordinaria aktáan legisladores tu ch’a’aj u compromiso constitucional Carlos Murillo Ku bey Consejeroi ti’ le Judicatura ti’ Poder Judicial ti’al u lu’umil Yucatán.

Ichil u tsikbalil Asuntos generales aprobarta’ab le u propuestai ti’al u táakbesa’al ichil le exhorto kun túuxta’al ti’ Gobierno federal yéetel ti’al u Jala’achi u lu’umil Yucatán ti’al u jets’a’al nonoj u taak’inil ti’al u ja’abil 2022 ti’al u beeta’al programas ti’al u yaktáanta’al le k’aas k’oja’anil Cancer de mama, bey tu k’áataj le u diputadai (MORENA) Jazmín Villanueva Moo ti’al u túuxta’al t’aan xan ti’ u Jala’achil ek lu’umil ti’al u ts’áaj nonoj xan u taak’inil.

Ba’axten túun tu k’áataj le u diputadai Morena tumen je’e ba’ax Jala’achile’ ma unaj u tselik u taak’inil ti’al u tojtáanta’al junp’éel u talamil kaaj.

Le Diputado Rafael Echazarreta Torres (Morena) tu tsolaj, le tsolt’aan kun túuxta’ala’ junp’éel múulmeyajil tu’ux unaj u tse’elel u tuukul partidos políticos ti’al u láaj táakpajal diputados ichil u meyajil ti’al u chan ch’éensa’al le talamil ku loobiltik u nonojil xko’olelo’ob ku muk’yajtiko’ob le k’aas k’oja’anil cáncer de mama, 98% xko’olel yéetel 2% ku ts’a’ayal ti’ xiibo’ob.

Le Diputada Dafne López Osorio (PAN) na’ak tribuna u k’a’as,  ya’ab juntéenel ku ya’ala’al táan u seen beeta’al muk’a’an meyaj beetik jolpo’opilo’ob locales ti’al u chan éemel u loobilta’al xko’olelo’ob, le óolal jach k’a’ana’an u táakpajal tuláakal jolpo’opilo’ob ti’al u mu’uk’antal u meyajil ikil u ch’éensa’al le u muk’yajil le k’oja’anilob.

Junpáyile’, túuxta’ab ti’ le Comisión kun xak’altiko’ob le iniciativa ti’al u jeltúumbensa’al le a’almajt’aanil Fiscalía Especializada en Combate a la Corrupción  le iniciativa ti’al u jeltúumbensa’al le a’almajt’aan  Ley General de Hacienda del Estado de Yucatán tu yóolal subcontratación, le iniciativa ti’al u beeta’al le túumben a’almajt’aan Ley Orgánica del Centro de Conciliación Laboral yéetel ti’al u jeltúumbensa’al le u noj a’almajt’aanil ek lu’umil, le Códigoi Administración Pública de Yucatán, Ley Orgánica ti’al Poder Judicial ti’al  Yucatán,  Ley de los Trabajadores al Servicio del Estado y Municipios de Yucatán, yéetel le a’almajt’aan Ley del Instituto de Defensa Pública del Estado de Yucatán, bey túuxta’an tumeen u Jala’achil u lu’umil Yucatán  Mauricio Vila Dosal yéetel u  secretaria General, María Fritz Sierra.

Ti’ le Comisión ti’al Desarrollo Económico túuxta’ab ti’ le iniciativa ti’al u beeta’al le túumben a’almajt’aan Ley de Desarrollo Social ti’al u lu’umil Yucatán k’uba’an tumeen u diputadosi PRI

Le Diputadosob tu k’áatajo’ob ka jelxoka’ak le u Propuestai Acuerdo k’uban tumeen u diputradosi PRI ikilu k’áata’al ka t’a’anak le u Secretrario ts’aakankil Jala’achil ti’al u beetik u informei yéetel u tsoliik ba’ax meyajil ku beeta’al tu yóolal le u k’oja’anil tuukul wey t- lu’umil

Le Diputada Fabiola Loeza Novelo (PRI) tu chíimpoltaj le u yóol tuláakal diputados uchik u aprobarta’al le Acuerdo, tumeen u chíiikpajal u yóol le Congreso ku táanilkúunsik u tojbe’enil kajnáalo’ob

Táan le Sesionob xo’ok le oficios túuxta’ab tumeen u legislaturai Hidalgo,Chihuahua yéetel Guerrero, beey ti’ u kaajilo’ob Tixcacalcupul yéetel  Yaxkukul.

QUEREMOS SABER DE TI, DEJA TU MENSAJE