Ku k’ubik le Congreso le u Agenda Legislativa ti’ IEPAC.

2021-11-25

Tu noj kaajil Jo’, Yucatán, 25 ti’ noviembre 2021.

Audio Maya

Le u Juntai Gobierno yéetel Coordinación Política le Congreso (JUCOPO) tu k’ubaj tu k’iinil jueves le Agenda Legislativa ti’al u ja’abil meyajil 2021-2024 ti’ le molay Instituto Electoral yéetel Participación Ciudadana ti’ Yucatán (IEPAC) tu’ux ku jets’ik le u tuukul meyaj wa Programa Legislativo ikil u tojtáantik le u jeltúumbensa’al u jejeláas a’almajt’aanil u lu’umil Yucatán.

Le u Presidentei le u Juntai Gobierno diputado Víctor Hugo Lozano Poveda (PAN) tu tsolaj, le u agenda le wukjaatsilil Partidos politicosil le LXIII Legislatura tu mucho’ob ti’ junp’éelil le u tuukul meyaj ti’al ka’a xik utsil ti’ u lu’umil Yucatán yéetel ti’ tuláakal kajnáalo’ob.

Tu tsolaj, junp’éel u nooyil le u múuch’meyajil le Congreso ku je’ets’el tu paachil múultsikbalil yéetel múulmeyajil je’ex u beetik tuláakal u diputadosi le LXIII Legislatura.

Le diputado láak’inta’ab tumeen u integrantesi le Juntao, tumeen le Coordinadori PRI Gaspar Quintal Parra, Crescencio Gutiérrez González ti’  (Nueva Alianza), Harry Gerardo Rodríguez Botello Fierro ti’  (PVEM), Vida Gómez Herrera  ti’ (Movimiento Ciudadano) yéetel  Eduardo Sobrino Sierra ti’ (PRD).

Le Consejero Presidente ti’ le molay IEPAC Moisés Bates Aguilar tu ya’alaj,le je’elo’ junp’éel noj e’esajil ti’ le compsomiso yaan ti’ le Congreso ek lu’umil je’ex bix u jets’ik le u a’almajt’aanil le democracia tumeen ku taasik utsil ti’ Yucatán yéetel ti’ u kajnáalilo’ob.

Táakpajo’ob ikil u k’a’amal, le Consejeros Electorales Alicia Lugo Medina, Alberto Rivas Mendoza yéetel  Jorge Vallejo Buenfil.

Le u Agenda Legislatiao u noj chuunt’anil meyajil ti’al u ja’abil 2021-2024 jo’oj jatsil beeta’ab. Fortalecimiento Institucional, Justicia yéetel  Seguridad, Derechos Humanos, Desarrollo Económico yéetel  Social, Desarrollo Ordenado yéetel  Sustentable.

 Le fortalecimiento institucional ku xak’alta’al ba’alo’ob yaan u yil yéetel Gobernanza, Administración Pública, Transparencia, Finanzas Públicas, Combate a la Corrupción y Autonomía Municipal.

Ti’ Justicia yéetel  Seguridad, kun xak’alta’al ba’alo’ob je’ex bix justicia, Seguridad yéetel  Protección Civil. Ti’  Derechos Humanos ku xak’alta’al ba’alo’ob je’e bix u  derechos xko’lelo’ob, ch’úupalalo’ob yéetel mejen paalalo’ob

tu yóolal  Desarrollo Económico y Social, ku xak’alta’al ba’alo’ob je’e bix Desarrollo Económico yéetel meyaj, Desarrollo Social, Salud yéetel  Educación, Cultura yéetel  Deporte.  Ti’ le  eje Desarrollo Ordenado y Sustentable, kun xak’alta’al ba’alo’ob je’e bix Desarrollo Urbano, Desarrollo Agropecuario y Sustentabilidad, y Medio Ambiente.