INFOMAYA

Beeta’ab much’táambay tsikbal yéetel Representantes ti’ le noj múuch’kabil Organización Panamericana ti’al tooj óolal/ organización Mundial ti’al tooj óolal OPS/OMS

2021-12-17

Tu noj kaajil Jo’, 17 ti’ diciembre 2021.

Tu nojnail Congreso beeta’ab le much’táambay tsikbalil tu’ux táakpaj diputados ti’ le Comisión ti’ tooj óolal beey xan Representantes ti’ le noj múuch’kabil Organización Panamericana de Salud/Organización Mundial de la Salud OPS/OMS ti’al u paklamtsikbalil “El Rol Prioritario del Legislativo en Materia de Salud”.

Béeychaj uchik u yáax much’ukba’ob tu k’iinil 22 ti’ noviembre tu noj kaajil México yéetel le Diputada Dafne López Osorio u Presidentai le Comisión Permanente ti’ tooj óolal ti’al u paklamxak’alta’al le túumben ba’alo’ob tu yóolal u kalanil tooj óolal.

Ichil le much’táambay beeta’ab tu noj kúuchilil Sala “Consuelo Zavala Castillo” le u representante le OPS Cristian Morales Fuhrimann tu ch’a’ajo’oltaj u tsikbatik le talamil ku taasik le pademiai Covid 19, bix u kiinsaj yéetel bix u loobiltik wíinkilal yéetel tuukul ichil kaaj.

Beey xan u sáasilkúuntaj ba’ax utsil ku taasik le u vacunai Covid ti’ kajnáalo’ob ba’ale kex tu noj lu’umil México táan u bin u éemeel le u seen tsa’ayal tuu xamanile’ léeyli chan ya’ab u seen páak’al  tumeen le u yik’elob léeylil táan u beetik loob, chi’ichnako’ob xan tumeen ta’aytak u k’uchul le u túuumben jeelil k’ajóola’an bey Omicron”

Le Asesor Miguel Malo Serrano tu tsolaj, le máaxo’ob ku seen kíimsalo’ob tumeen le k’oja’anil Covid 19 leti’e ku muk’yajtiko’ob jejeláas k’oja’anilo’ob je’ex hipertensión, tabaquismo, diabetes, obesidad, EPOC, u k’ja’anilo’ob pukk’sisik’al, asma, VIH o SID

Le diputado Víctor Hugo Lozano Poveda (PAN) tu ts’áaj u diosbo’otikil ti’ le máaxo’ob táakpajo’ob ichil le tsikbalilob tumeen le ba’ax a’alabo’ yaan u táakmukta’al ti’al u beeta’al uts a’almajt’aano’ob ti’al u kaláanta’al k’oja’anil.

Le u Presidentai le Comisión ti’ tooj óolal Dafne López Osorio tu ts’áaj xan u diosbo’otikil ti’ le Jolp’opilo’ob ikil u béeykuinsa’al le much’táambay tsikbalilob

Le diputados Karem Achach Ramírez (PAN), Rubí Be Chan (Morena) y Eduardo Sobrino Sierra (PRD),tu tsolasjoo’ob uts u yiliko’ob ka’a beeta’ak le tsikbalilob ti’al u beeta’al nuku’ana a’almajt’aano’ob.

QUEREMOS SABER DE TI, DEJA TU MENSAJE