INFOMAYA

Le u noj molay Congreso yéetel Club Rotario Mérida Montejo ku nupikubáaob meyaj tu yóolal kaaj.

2022-02-23

Tu noj kaajil Jo’, Yucatán 23 ti’ febrero 2022.

Ichil u k’iimbesajil Rotarismo tu lu’umil Yucatán yéetel u k’iimbesajil 117 aniversario ti’ le much’kabil Rotary International, le noj molay Congresoi Yucatán yéetel le Club Rotario Mérida Montejo tu múul k’ub u yóolol tu paachil u ju’unil Carta de intención ti’al u nupikubao meyaj yéetel u beetpajal iniciativas ti’al u yutsil kajnáalo’b.

Yéetel je’elo, le Club Rotarios Mérida Montejo kun tsolxikintik diputados ti’ le LXIII Legislatura tu yóolal u yutskíimpajal ba’alo’ob ti’al u béeykunsa’al u tsikbe’enta’al u tojb’e’enil mejen paalal, ch’úupalal, óotsilo’ob yéetel ti’al u xu’ulsa’al u jaats’al yéetel u pech óolta’al kajnáal’ob, beey xan u kaláantal sijnáalil.

Ku k’a’a’sal leti’e Congreso jets’maj u k’ajóolta’al láajal 23 ti’ febrero u k’iimbesajil Día del Rotacismo ti’al u lu’umil Yucatán.

Le u presidentei le u Juntai Gobierno yéetel Coordinación Política le Congreso Víctor Hugo Lozano Poveda (PAN)  tu tsolaj le Rotarismo tsoka’an u máan k’iin káajak u beetik nuka’an meyaj áantajil, u chukmaj u chuunt’anil ti’al yantal jets’eknakil, yóol áantajil, ba’alo’ob k’a’ana’an u chíimpolta’al.

Le  u ju’unil múulmeyajila’ junp’éel ba’ax ku béeykunsik u nupikubáa  le meyaj ku beeta’al tumen le múuchkabila yéetel le ku beetik le Poder Legislativo.

Le u presidentei le club Rotarios Mérida Montejo Víctor Caballero Duran tu tsolaj, le múulmeyajilo’ junp’éel compromiso tu’ux ku k’ubik tuláakal yóol yéetel le ba’ax u kanmaj le socios, le u xook  ti’al u táakbesa’al ichil u meyaj le Congreso ti’al u yutsil u lu’umil Yucatán.

Le u presidentai le Mesa directiva le Congreso Ingrid Del Pilar Santos Díaz (PAN) tu ya’alaj, le máaxo’ob táakpaja’ano’ob bey Rotarios máako’ob ku yáantiko’on kaaj ti’al u yutskíintik bix u kuxtal yéetel ku jelbesik uts jejeláas kaajo’ob, mas ti’ 46 jejeláas u much’kabil Rotarios tak walki 117 ja’abo’ob je’ebeka’, úuch káajak u k’a’aytiko’o’b jets’eknakil yéetel u yáantiko’ob kaaj u jóok’ol táanil beey xan u kaláanta’al sijnáalil.

Ichil le muchtáambaylo’ jo’olinta’ab tumeen le Secretario yéetel Past Gobernador Distrital ti’ Club Rotario Mérida Montejo, Lic. Emilio Bolio Tapia, le representante i le gobernadora ti’ Distrito 4195 Juanita Ravelo, xunáan. Magda Rodríguez, le diputadosill PAN, PRI, PRD, PVEM, Nueva Alianza yéetel le u diputada Morena, Alejandra Novelo Segura.

QUEREMOS SABER DE TI, DEJA TU MENSAJE