Le LXII Legislatura tu k’ubaj le chíimpolal “Consuelo Zavala Castillo” ti’ le X-ajka’ansaj Julia Guadalupe Pacheco Castillo tu yóolal le ustmeyaj xaak’aal ku beetik tu yóok’lal sijnáalil

2021-03-08

Tu noj kaajil Jo’, u lu’umil Yucatán, 08 ti’ marzo tu ja’abil 2021

Ti’al u béeykunsa’al le keet páajtalil tak walki 2030 unaj u ch’a’ajo’oltal u beetal jejeláas nu’ukbesajil ti’al u xu’ulsal le ba’ax taasik pech’ óolalil, le mantats’ ma’ tu cha’abal u nu’ukbesik u páajtalil xko’olelo’ob ichil kaaj, bey tu ya’alaj le X-ajka’ansaj Julia Guadalupe Pacheco Avila ka’aj tu k’amaj le chíimpolal Consuelo Zavala Castiilo.

Le chíimpalo’ob k’ub tumeen le u Presidentei le Mesa Directivao Luis Borjas Romero, tu’ux táakpaj le u Xnoj k’abil Jala’achil Maria Frtiz Sierra, le u Presidentei le Tribunal Superior ti Justicia Ricardo Avila Heredia.

La X-ajka’ansajob tu k’amaj le chíimpolalob láak’intab tumeen u láak’tsilo’ob, tu yóolal le ust meyaj ku beetik ti’al u kaláantal sijnalil, u ja’il k- lu’umil ti’al u yutsil kaaj, ku chikbesik xan le u máan taanil xko’olelo’ob

Tu yóolal le xaak’al ku beetikob tu tsolaj, yaan lu’umob tu’ux jach mina’an uts ja’e xko’olelo’ob kaxtik, náach kuuchilob tu’ux ku bino’ob u  ch’aob, náachbej ku xíimbatiko’ob, ku seen muk’yajtiko’ob pech’ óolail, beey xan le kéen  sijik juntúul chaambale waa mina’an ja’ ma’a k’asane’ je’el u béeytal u beetik u kimil le chambalo wa le na’tsilob

Pacheco Avila tu túuxtaj t’aan ti’al u k’a’ayta’al le túumben na’atob ti’ kaaj tumeen ti’ ku seen loobiltal kajnáalo’ob, Le dip Janice Escobedo Salazar tu tsolaj, le máax náajalt le chimpolalob u jo’olitmaj 13 proyectos ku tuxtal u taak’inil tumeen CONACYT, beey xan táakpajan ti Congresos nacionales wa internacionales ti’al u xak’altala ja’ yéetel sijnalil, le u k’éexel u yooxolil yóok’ol kaab, le u k’askúuntal xan.

Le óolal yéetel le X-ajka’ansaj ku k’amik le chíimpolalob ku chíikpajal u nu’uka’an meyaj xko’olelo’ob, k’a’ana’an  u ts’a’abal u páajtalil u máano’ob táanil tumeen uts meyaj ku beetiko’ob.