INFOMAYA

Tuláakal diputados ku táakbeskubaob ti’al u beeta’al le iniciativa ikil kun jóok’sa’al le chíimpolal Reconocimiento “Elvia Carrillo Puerto”.

2022-10-18

 Tu noj kaajil Jo’, Yucatán 18 ti’ octubre 2022

Ikil u k’iimbesa’al le u meyajil tu yóolal u tsikbe’enta’al u tojbe’entsilil xko’olelo’ob je’ex ti’al u páajtal o votar tu lu’umil México, le diputados yéetel diputadas ti’ le LXIII Legislatura tu táakbesubaob ti’al u múulbeeta’al le iniciativa ti’al u k’u’ubul le chíimpolal Reconocimiento “Elvia Carrillo Puerto”,yáax diputada yéeya’ab tu lu’umil Yucatán ti’al congreso tu ja’abil 1923

Le u diputadai PAN Carmen González Martín tu tsolaj junp’éel chíimpolal ti’al X-yucatecas úuch káajak u ba’atetiko’ob u páajtalil xko’oleo’ob yéetel ku je’iko’ob bej ti’al u láak’o’ob ti’al u beytal u táakpajlo’ob ichil política, educativa yéetel social, beyo’ ku nojba’alkúunsiko’ob u k’aaba’ u lu’umil Yucatán

Le iniciativaob kun k’u’ubul tan sesión kun úuchul tu k’iinil 19 ti’ octubre las 11 k’iin

Ichil u meyajil le u k’iimbesajil le 69 ja’abo’ob káajak u votar xko’olelo’b tu lu’umil México le noj mola’ay Poder Legislativo tu jo’olintaj le much’táambay tsikbal Congreso Mujeres Políticas Yucatán 2022,  le diputado Víctor Hugo Lozano Poveda tu ts’aj u diosbo’otikil ti’ le much’kabil Fuerza política todas México, xko’olelo’ob demócratas ku k’áatiko’ob ka’a  xu’uluk le loobil violencia tu yóolal le uts meyaj ku beetiko’ob ti’al u chíimpolta’al yéetel u tsikbe’enta’al u páajtalil u táakpajal xko’olel ichil politica

Tu chíikbesa’l le uts meyaj tuláakal le u diputados le partidos políticos táaka’an yiknal le Congreso ikil u táanilkúunsiko’ob u yutsilil ek lu’umil

Le u coordinadori PRI, Gaspar Quintal Parra tu tsolaj le u partido ku k’ubik iniciativas ti’al u chíimpolta’al u tojbe’entsilil xko’olelo’ob, bey yaan ichil u agenda legislativa

El u diputadai Movimiento Ciudadano, Vida Gómez Herrera t’aanaj tan tribuna u tsikbalt bix uchik u beytal u yáax votar xko’oleo’ob tu lu’umil México, beey xan tu lu’umil Yucatán tu’ux yáax yéeya’ab óoxtúul xko’oleol’ob revolucionarias je’ex bix Elvia Carrillo Puerto yéetel  Consuelo Zavala Castillo, beey xan le máaxo’ob táakpajo’ob ichil le múuch’kabil primer Congreso Feminista de Yucatán

Le diputado Crescencio Gutiérrez González (NA), tu tsolaj tan tribuna, tan u beeta’al a’almajt’aan ti’al u kaláanta’al u tojbe’entsilil xko’olelo’ob je’ex bix Ley 3 de 3 contra la violencia, ley vicaria ti’al u ma’ u cha’abal u táakpajlo’ob ichil yéeytáambal xiibo’ob taka’an u poolo’ob tu yóolal le loobil ku beetik ti’ mejen paalal ikil u beetik k’aas ti’ u yatam

Le u  diputado  PRD, Eduardo Sobrino Sierra tu ya’alaj, le ust ba’alo’ob ku taasik le u ba’atelil xko’olelo’ob yucatecas ti’al política ti’ u lu’umil Yucatán jach ma’alo’ob tumeen tan walkila ku máansik táanil ek lu’umil, tumeen tu periodoi 2004-2007 chen jo’otúul diputadas yéeya’ab bejlae ichil le LXIII legislatura 11 diputadas yaan

U láak’ meyaj beeta’ab tu noj najil Congreso leti’e tsikbalil Sesión Plenaria Mujeres Todas México yéetel je’eba’a u cha’anta’al le úuchbe ju’uno’ob tu’ux ku chíikpajal datos ti’ le yáax consejo Feminista

Le consejera ti’ Instituto Nacional Electoral, Carla Humphrey Jordán tu jo’olintaj le Conferencia “Todas al poder “tu’ux tu tsikbaltaj le u lu’umil Yucatán ku jo’olintik mantas le u jelbesajil ti’al tuláakal México tu yóolal u páajtalil xko’oleo’ob tu yóolal yéeytáambal

Beey xan t’aanaj tu yóolal le reforma constitucional tu ja’abil 2014, tu yóolal le parida ti’ candidaturas nivel federal yéetel estatal ti’ u ja’abil 2019 tu’ux ku jets’a’al unaj u yantal paridad ti’al tuláakal, unaj xan u jeltúumbensa’al le articulo 41 tu yóolal propaganda electoral, yéetel le articulo 53 tu’ux yaan le chuunt’anil principio de paridad ti’al u yéeya’al 300 diputaciones

Ts’ikbalta’ab xan le u ts’a’abal bey candidatas xko’olelo’ob ti’ nojoch kaajo’ob, u je’epajal junp’éel defensoria ti’al xko’olelo’ob, le registro kuk tusbeeltik le a’almajt’aan 3 de 3 contra violencia ti’al deudores

QUEREMOS SABER DE TI, DEJA TU MENSAJE