Ku túuxta’al k’eeyaj ti’ Ayuntamientos ti’al u je’iko’ob le kúuchilil Órganos ti’ Control interno

2022-10-26

Tu noj kaajil Jo’, Yucatán 26 ti’ octubre 2022

Audio Maya

Tuláakal le u diputados le LXIII Legislatura tu aprobarto’ob le u propuestai acuerdo beeta’ab tumen le Comisión ti’ Vigilancia, Cuenta Pública, Transparencia yéetel Anticorrupción ti’al u túuxta’al k’eeyaj ti’ Ayuntamientos tumeen tak bejlae ma’ u je’ob le u kúuchilil órganos ti’ Control interno je’ex bis u tusbeeltik le articulo 77 ti’ le u noj a’almajt’aanil u lu’umil Yucatán, unaj u k’áatiko’ob u taak’inil ichil u presupuesto ti’al u ja’abil 2023

Ichil le propuestaob táak’an xan u láak’ tusbeelil ti’ Ayuntamientos  ti’al u k’ubiko’ob ti’ le noj mola’ay Congreso máax le u Asesor tak walkila’, u k’aaba’, correo electrónico, ichil u láak’ datos

Le diputado ti’ PAN Erik Rihani González tu tsolaj tan Tribuna, le k’iino’ob ts’a’aban ti’ Ayuntamientos ti’al u je’iko’ob le órganos ti’ Control interno tsoka’an u xu’ulul tak bejlae máanja’an 162 k’iino’ob ba’ale ya’ab ayuntamientos ma’ u je’ob le kúuchiliol ku ya’ala’alo’ob

Beey xan t’aanaj tu yóolal le u propuesta le diputado Víctor Hugo Lozano Poveda ti’al u ts’a’abal ojéeltbil ti’ le Congreso máax le Asesores municipales

Le óolal ku túuxta’al t’aan ti’ Ayuntamientos u lu’umil Yucatán ti’al u beetiko’ob le ba’ax ku ya’alik a’almajt’aan

Ichil asuntos generales le u diputadai PAN Carmen González Martin tu k’ubaj junp’éel propuesta ti’al u táabsa’al túumben jaatsil ti’ le artículo 6, articulo 7, articulo 22, articulo 28 ti’ le u a’almajt’aanil victimas ti’al u tusbeelta’al u ts’a’abal asesorías xma’a bo’olil beey xan ichil u máasewáal t’aan tumeen intérpretes wa traductores ti’ máasewáalkajnáalo’ob yiknal jejeláas mola’ayilo’ob

Le u diputadoi PRI Gaspar Quintal Parra pa’tej yéetel le u diputadoi Morena tu ch’a’ajo’ob le t’aan  “¡Nada de nosotros sin nosotros!”ikil u k’ubiko’ob junp’éel iniciativa ti’al u tusbeelta’al u chíinjolta’al ichil u ts’íibilil le u noj a’almajt’aanil Yucatán le u tojbe’entsilil máaxo’ob discapacitados

Le u diputadai PAN Dafne López Osorio na’ak tribuna t’aan tu yóolal le Convenio múults’íibta’ab yéetel le noj mola’ay UNICEF ti’al u beeta’al, u jeltúumbenaa’al wa u patjo’olta’al a’almajt’aan ti’al u yutsil mejen paalal

Tu xuule’ le u diputadoi Morena Rafael Echazarreta Torres t’aanaj tu yóolal u noj k’iimbesajil 85 aniversario le u mola’ay Secretaria de Defensa nacional

Tu ts’ooke’ le Mesa directivaob tu túuxtaj ti’ Comisiones jejeláas iniciativas ti’al u káajal u xak’alta’al

Je’ex le minuta k’uba’an tumeen le Camarai Diputados ti’ le Congreso de la Unión tu yóolal Guardia Nacional

Xo’ok tan le diputadosob le oficios túuxta’an tumeen le u municipios Cuncunul, Chicxulub Pueblo, Dzilam de Bravo, Kaua, Opichén, pa’tej yéetel ti’ le u Jala’achil u lu’umil Yucatan, Mauricio Vila Dosal.