INFOMAYA

Ku nonojtal le propuestas ti’al u táakbesa’al ichil le iniciativa tu yóolal le loobil sumisión química wa canasteo

2022-12-08

Tu noj kaajil Jo’, Yucatán 8 ti’ diciembre 2022

Ichil u xaak’alil le iniciativa ti’al u ts’íibta’al ichil le Código penal le loobil sumisión química wa canasteo beeta’ab junp’éel much’táambay tsikbal jo’olinta’ab tumeen le diputado presidentei le Juntai Gobierno yéetel Coordinación Política Víctor Hugo Lozano Poveda yéetel representantesi múuch’ kabilil kaaj, estatales, municipales

Le diputado Lozano Poveda  tu tsolaj, tu wináalil septiembre tu k’ubaj le iniciativaob, bejlae táan u xak’alta’al tan Comisión ti Justicia yéetel Seguridad Piblica

Nancy Walker Olvera ti’ le múuch’ kabil Asociación Kóokay Ciencia Social Alternativa A.C Tu k’a’asaj, tu wináalil agosto pa’tej yéetel u láak’ múuch’kabilil kaaj tu káasajo’ob u payt’aanil ku k’aabatik “Alerta contra la sumisión química en Yucatán #Paratidiversión #Paramíviolación”, tu’ux ku ts’a’abal ojéeltbil ba’ax yéetel bix u beeta’al le loobilo

Le u directorai le Centro Estatal ti’ Prevencióni Delito yéetel Participación Ciudadana, Joana Briceño Ascencio, tu tsolaj, táan u beeta’al xíimbalil tsikbal ti’ jejeláas najil xook ti’al u tsolnu’ukta’al aj xoknáalo’ob ti’al u kaláantikubaob yéetel ma’ u mu’kyajtiko’ob le loobilo

Le u  directorai le  Instituto Municipal de la Mujer, Fabiola García Magaña t’aanaj tu yóolal u k’a’ananil le u láak’inta’al máax muk’yajtik le loobilob, ku táakpajal ichil u xaak’alil le iniciativaob ti’al u láaj táakbesa’al ba’alo’ob ti’al ma’ u p’áatal u castigarta’al máax beetik le loobilo

Le  director ti’ Centros de Integración Juvenil de Mérida, Víctor Roa Muñoz tu tsolaj, ba’ax beetik u seen beeta’al le loobilo leti’e u ko’onol chéen ti’ je’e máax la ba’alo’ob wa le ts’aak ikil u beeta’al le loobilo, le óolal unaj u jeltúumbensa’al u láak’ a’almajt’aan chúuktik m´paax ti’ u ko’onol ts’aak

Tu xuule’ le  presidente diputado Victor Hugo Lozano tu ya’alaj, tan u kaxanta’al u beetpajal u láak’ much’táambay ti’al u mo’olol nonoj propuestas ti’al le iniciativaob

QUEREMOS SABER DE TI, DEJA TU MENSAJE