INFOMAYA

Le noj mola’ay Congreso yéetel Rotarios ku k’axkubaob meyaj tu yóolal kajnáalo’ob

2023-02-23

Tu noj kaajil Jo’, Yucatán 23 ti’ febrero 2023

Le noj mola’ay Congreso yéetel jejeláas múuch’kabil Rotarios tu múulk’axtubaob ichil junp’éel múulmeyaj ti’al u beeta’al propuestas ti’al u paklam utsil kuxtal kajnáalo’ob wey t- lu’umil

U noj tuukulile’ leti’e u beeta’al proyectos  ti’al u ts’a’abal ojéeltbil le tojbe’entsilil, le u yantal jets’eknakil, le u kaláanta’al mejen paalal yéetel u yáantal óotslilo’ob beey xan le u kaláanta’al sijnáalil

Le u Presidentei le Juntai Gobierno yéetel Coordinación Política ti’ le Congreso diputado Víctor Hugo Lozano Poveda tu ki’imak óoltaj  le u jolpo’opilo’ob Rotarios tu yóolal le u k’iimbesajil 118 ja’abo’ob káajak u meyaj le múuch’kabil Rotary International tu yóolal le kíimbesajil Día del Rotarismo tu lu’umil  Yucatán.

Le u Presidentei le Mesa Directivai le Congreso diputado Erick Rihani González tu túuxtaj ki’imak óolal ti’ le jejeláas múuch’kabil Rotarios beey xan tu tsolaj le LXIII Legislatura u ch’a’atáantmaj le u noj bejil ti’al u chuumbesa’al u líik’sa’al junp’éel u lu’umil Yucatán yéetel múulmeyajil

Le u áantajil le gobernador ti’ le distrito 4195 de Rotary Internacional, Gustavo Antonio Manzano Novelo tu ya’alaj, jach ki’imak u yóol ikil u taasik u t’aan le jejeláas múuch’kabil rotarios

Tu tsolaj xan walki 118 ja’abo’ob káajak u meyaj le rotarios káaj tu ja’abil 1905 jach ki’imak u yóol ikil u t’aan tu yóolal le jejeláas múuch’kabilil rotarios beey xan táan u kaxanta’al le u meyaj tu yóolal diversidad, keet óolil, táakbesajil, tak bejlae’ juntúul xko’olel jo’olintik u noj múuch’kabil bey presidente ti’ le organización yóok’ol kaab Sra. Jennifer Jones de Canadá tu yóolal le uts meyaj ku beetikob

Manzano novelo tu tsolaj walkila 15 túumben múuch’kabil, 9 jo’olinta’an tumeen xko’olelo’ob

Ichil le much’´taambay tsikbalob táakpajl le diputada Dafne López Osorio, le diputados Jesús Pérez Ballote, Luis Fernández Vidal, Eduardo Sobrino Sierra yéetel Crescencio Gutiérrez González.

QUEREMOS SABER DE TI, DEJA TU MENSAJE