Kaambalil maaya ti’al funcionarios yéetel jmeeyjilo’ob Congreso

2023-03-03

 Tu noj kaajil Jo’, Yucatán 3 ti’ marzo 2023  

Ikil u tojtáanta’al u ma’alobkiinsa’al bix u k’a’amal kajnáalo’ob ku t’aniko’ob maaya le noj mola’ay Congreso yéetel le Institutoi investigaciones Legislativas kun beetikob le u kaambalil  maayat’aan ti’al funcionarios 

Yéetel le je’elo’ u lu’umil Yucatán ku chuumbesik tu noj lu’umil México tumeen yáax Poder Legislativo kun k’amik kajnáalo’ob ichil máasewáal t’aan

Le curso ku tojtáantik u ka’ansa’al servidores públicos u t’aniko’ob maaya ti’al u beytal u k’a’amal ichil u na’tsil t’aan kajnáalo’ob le kéen xi’iko’ob tu najil congreso bey tu tsolaj le diputada Melba Gamboa Ávila

Le diputada xmaayat’aan  tu ya’alaj mix juntéeb úuchuk, yéetel le kaambalila’ ku káasa’al le institucionalización le ka’ansa’al maayat’aan, le curso ti’al máaxo’ob ku meyajo’ob yiknal Congreso, ku táakbesa’al ichil le u programai jablamja’abil meyajil ti’al capacitación

Le u presidentei le Mesa Directivai le  Congreso, Erik Rihani González tu ya’alaj le u kaambalil maayat’aan junp’éel ba’ax jach k’a’ana’an, le u tsolxookil INEGI ku chíikbesik óokúuchil yaan le ak lu’umil tu’ux jach nonoj u t’a’anal máasewáal t’aan

Wey tu lu’umil Yucatán mantats’ ku chíikpajal ak mootsil tu paach u t’aan  le óolal ti to’on yaan ka jelkuxlak ak t’aan

Le u directoir le Instituto de Investigaciones Legislativas ti’ le  Congreso Lic. Mario Maldonado Espinosa tu ts’áaj u diosbo’otikil ti’ le funcionarios yéetel comisarios ti’ le ayuntamientoi Jo’, le representantes ti’ INDEMAYA yéetel ti’ le múuch’kabil Asociación Civil del Supremo Consejo Maya A.C. uchik u táakpajlo’ob ichil le kiinob

Beey xan ti’ le diputadas Karen Achach Ramírez, Pilar Santos Díaz y el diputado Esteban Abraham Macari