Le LXII legislatura tu aprobartaj le u na’aksa’al u bo’olsi’ip’i’lil le u seen topa’al ba’alche’ob

2021-05-26

Tu noj kaajil Jo’, u lu’umil Yucatán, 26 ti’ mayo tu ja’abil 2021

U mayoría le u diputadosi Le LXII legislatura tu aprobarto’ob junp’éel dictamenil ti’al ka’ap’éel iniciativas ,le u diputadai morena Leticia Euan Mis, votarnaj tu contra, ikil jeltúumbensa’al u a’almajt’aanil u kaláanta’al ba’alche’ob yéetel u Codigoi penal u lu’umil Yucatán ikil u wet’a’al u ko’ono’ol ba’alche’ob yéetel le u seen topa’al ba’alche’ob, bey k’uba’an tumen le u diputadoi PVEM Harry Rodríguez Botello Fierro, nupa’an yéetel le u diputada del PRI, Karla Franco Blanco.

Táan sesión ordinaria ti’ le miercolesa, aprobarta’ab xan le u jeltúumbensa’al le a’almajt’aan Ley de gestión integral de los residuos k’uba’an tumen le diputadas Silvia López Escoffié y Milagros Romero Bastarrachea, ti’al u sáasilkúunta’al ba’ax u k’áat ya’al sistema de manejo ambiental, tratamiento, valorización yéetel licencia ambiental única

Le u Presidentei le Comisión ti’ sijnáalil Harry Rodríguez Botello Fierro (PVEM) tu tsolaj, le loobil ku beeta’al ikil u ko’onol ba’alche’ob weta’ano’ tsa’ay u túumben jaatsilil ti’ le artículo 6 Bis ti’ le a’almajt’aanil ti’al u kaláanta’al ba’alche’ob ti’al u tusbeelta’al ti’ le Fiscalía General (FGE) u nupikuba yéetel Jolpo’opilo’ob federales, estatales, municipales u ch’úuktik ma’ u ko’onol ba’alche’ob  tak ti plataformas digitales.

Tu yóolal ikil u seen topa’al ba’alche’ob, le diputado tu tsolaj je’ets’a’ab ichi le almajt’aano’ob le u páajtalil ti’ je’e ba’ax autoridades le u machik máax ko’onik ba’alche’ob le kéen ilak táan u konik, beey xan le molayilo’ob kalanil unaj u sasilkúuntiko’ob kex ma’ u k’amiko’ob u tak poolil

Le multas ikil u seen topa’al aalak’ ba’alche’ob na’aksa’ab ichi le código penal, tak bejale jel u béeytal u chukik tak 20 mil UMAS (unidad de medida y actualización) wa  kex junp’éel millón 790mil, u k’aalile’ ku k’uchul tak kamp’éel ja’ab tu yóolal le u seen topa’al ba’alche’ob.

 Le u Dip PRI Karla Franco Blanco tu tsolaj, junp’éel u láak’ uts meyaj ku beeta’al tu yóolal u kaláanta’al ba’alche’ob tumeen le iniciativao ku tojtáantik u suukbesa’al u kaláanta’al aalako’ob, ma’ u topa’alo’ob tumeen bejlae’ ku ya’abkúunsa’al u bo’olil yéetel u k’aalil ti’ máak’.

Tu yóolal le a’almajt’aan Ley de gestión integral k’ubab u iniciativai tumen le Dip Silvia López Escoffie  ku tojtáantik le u suukbesa’al u ja’ats’al u ta’ míis  ti’al u ch’éensa’al le u pu’ulul ba’alo’ob  taj k’aas ti’ rellenos sanitarios, ti’al u béeytal u jelnu’ukbesa’al ba’alo’ob je’e bix basura orgánica.

Aktáan le plenariaob túuxta’ab ti’ le Comisión ti Justicia yéetel Seguridad pública le iniciativa ti’al u tsa’ayal u túumben jaatsilil le capítulo VI Bis ku k’aaba’tik Terapias de conversión, le u artículo 243 Ter1  le título 11 ku k’aaba’tik Delitos contra la paz, la seguridad, la intimidad, la imagen y la igualdad de personas, ichil le código penal

Ti’ le Comisión ti’ arte yéetel miatsil túuxta’ab ti’ le iniciativa ti’al u je’e’ts’el u chíimpolta’al bey patrimonio cultura le u meyajil Calesas, le u cha’anil u ba’atel t’eelo’ob yéetel le paywakxil wey k- lu’umil.

Ti’ le Comisión ti Presupuesto, Patrimonio estatal yéetel municipal túuxta’ab ti’ le iniciativa ti’al u jeltúumbensa’al le u a’almajt’aanil ingresos u kaajil Celestun ti’al u ja’abil 2021

Ichil asuntos generalese le u Dip morena Fátima Perera Salazar na’ak tribuna u beet junp’éel tak pool tumeen táan u beeta’al turismo electoral tu kaajil San Felipe, tu ya’alaj, yaan u bin táan fiscalía (FGE) u beetik u tak poolil, le delito tu tsolaj ku beeta’al tumeen ku bin máak’ táan u kuuchil INE u k’ex u credencial ba’ale ma’ jaaj le datos ku ts’aiko’ob chéen ku jóok’sa’al u jeel le credencial ti’al u vortar máak’ ti’ u láak’ kaaj k’ex ma’a ti’ kaja’ani

Beey xan le u diputadoi PRI Warnel May Escobar na’ak tribuna u túuxt t’aan ti’ autoridades electorales ti’al u ch’úuktiko’ob ba’ax ku beeta’al yéetel le apoyos ku t’oxik jejeláas Jolpo’opilo’ob yéetel Jala’achil ti’al ma’ u k’áatal votos tu yóolal le áantajo’ob, tumeen táan u yila’al táan u seen bisa’al áantajo’ob t’oxbij tumeen Gobierno estatal kex táan campañas

Le u Dip. PAN Rosa Adriana Díaz Lizama tu túuxtaj t’aan ti’ le candidatos ku kaxáantiko’b reelección ti’al u xu’ulso’ob u seen maniko’ob votos.

Tu yóolal le tak poolilo’obo’ tu tsolaj, ma’a chéen ti’ wa máax ka túuxta’ak le t’aano’ob, ka’a túuxta’ak ti’al tuláakal ma’ chéen ti’a wáa jaytúuli’i, beey xan tu ya’alaj, le u tribunai le noj molay Congreso ti’al u beeta’al a’almjt’aan ma’ ti’al u paklamtsikbalt’a’al poltica.

Ba’ale tu túuxtaj t’aan ti kajnáalo’ob ti’al u jóoko’olo’ob votaro’ob jáalñk’abil ti’ le u k’iinil 6 ti junio, kau beeto’ob u tak poolil bix u yúuchul tu kaajilo’ob tumeen leti’e autoridad electoral kun ch’úuktik u jóok’ol ma’alo’ob le yéeytáambalo’ob

Le Dip. Milagros Romero Bastarrechea tu k’ubaj junp’éel iniciativa ti’al u jeltúumbensa’al le u código penal ti’al u ts’íiba’al nojoch loob le delitos abuso sexual, acoso sexual, violación, violación ti’ meje paalal yéetel le u báaxtalo’ob le kéen ts’a’ab u yuko’ob ba’alo’ob ti’al u beetal le loobti’ob

 Candidatos INAIP

Le u diputadosi le Comisión ti’la u Vigilancia Cuenta pública, Transparencia  yéetel anticorrupción tu múuch’ aprobartoo’ob le u náajaltiko’ob le cargo bey Consejeros le kajnáalo’ob Néstor Irán Acosta Espadas yéetel Vanessa Flamenco Irigoyen ichil le Consejo consultivo ti’ le molay Institutoi  Transparencia, Acceso ti’ Información yéetel u kaláanta’al de Datos Personales (INAIP). 

Le u Dip PAN Rosa Adriana Diaz Lizama tu tsolaj, le candidatosob jach leti’e máaxo’ob ku kaxáantal ti’al le cargo, ku chíimpolta’al ti’ob le u yóolil u ocupartiko’ob junp’éel cargo xma náajalil.

Le Dip Milagros Romero Bastarrachea  tu tsolaj, le u yóolil meyaj ti’al kaaj xma’a náajlil yaan ti’ le kajnáalo’oba’ ku pa’tik ka ch’a’ab en cuenta ti’al u ocupartiko’ob u láak’ cargo yaan u náajlail

Salud

Táan le Comisión ti’ tooj óolal yéetel seguridad social le diputadosob tu múuch’ aprobarto’ob junp’éel dictamen ikil u jeltúumbensa’al jejeláas artículos  ti’ le a’almajt’aano’ob  Ley de los Trabajadores al Servicio del Estado y los Municipios, y la Ley para la Protección de los Derechos de las Personas con Discapacidad.
 

Beey xan le dictamen ti’al u tsa’ayal le túumben artículo 129 Bis ti’ le u a’almajt’aanil tooj óolalil k– lu’umil tu yóolal yantal jach táaj ma’alo’ob le u nu’uklil ts’aakankil cáncer, ka’ap’éel iniciativa u k’ubmaj le u Dip PRI Marcos Rodríguez Ruz.

Le u Presidentei le Comsionob Manuel Diaz Suarez tu tsolaj, le viernes máaniko le diputadosob tu much’ubaob u xak’alto’ob le iniciativasob

Le diputado k’ub le iniciativao Marcos Rodríguez Ruz (PRI) tu tsolaj,le u dictamenob ku taasik utsil ti’ xko’olelo’ob tumeen ku tusbeeltik u beeta’al yéetel uts nu’ukulo’ob le u pruebas cáncer.