INFOMAYA

Aprobarta’ab táan Comisión permanente nu’ukbesajil kalanil ti’al mejen paalal

2021-08-17

Tu noj Kaajil Jo’, u lu’umil Yucatán, 17 ti’ agosto 2021

Táan Comisión ti’ Justicia yéetel Seguridad publica, le Diputadosob tu múuch’ aprobarto’ob le u jeltúumbensa’al le Código penal ti’ u lu’umil Yucatán ti’al u tusbeelta’al u beeta’al u tsoolk’aaba’i ti’ le máaxo’ob u p’axmo’ob pension alimenticias wa registro de Deudores alimentarios ti’al u lu’umil Yucatán, ti’al u ts’a’abal k’ajóoltbil u k’aaba’ máaxo’ob ma’tech u bo’otiko’ob pension kex tusbeelta’an tumeen juntúul juez

Le y molay Fiscalía General (FGR) unaj leti’ kun beetik yéetel u jóok’sik le tsoolk’aaba’ob ti’al u yojéelta’al tumeen jejeláas molayilo’ob u óox jaatsil Jala’achil wey t lu’umil.

Le u Presidentei le Comisionob, Luis Borjas Romero (PRI) tu tsolaj, le u tusbeeelta’al u beeta’al le tsolk’aaba’ob ti’al u obligarta’al le u bo’ota’al le pension alimenticia ti’ mejen paalal yéetel ti’ xko’olelo’ob

Ichil le dictamenob jets’a’ab le máax ku p’axik pension ma’tech u béeytal u ka’a jel jóok’sik u licencia ti’a manejar beey xan ma’atech u béeytal u beetik contrato wa convenio ti’al u meyaj yéetel Jala’achil tu lu’umil Yucatán ka’alikil ti’ yaan u k’aaba ichil le tsoolk’aaba’o

Bey tu proponertaj le u Diputadoi Morena Miguel Candila Noh, chéen kun páajtal u jóok’sik le licencia ti’al u meyaj wa’ nukaj meyaj ti’al u bo’ol le pensionob.

Le Diputadosob tu aprobaartoo’ob xan táan le Comisionob le dictamen ti’al u tsa’ayal le túumben artículo 278 bis ti’e le u wuk jaatsilil le articulo 308 ti’ le u codigoi kúuchkabal u lu’umil Yucatán yéetel ku tsa’ayal le articulo 394 Septies ti’ le u código Penal Yucatán, bey k’uba’an tumeen le Diputado Candila Noh
Le dictamenob ku tusbeeltik,le kéen beeta’ak feminicidio wa le kéen kiimsa’ak juntúul xko’olel ku múulkalantik juntúul u paal, le juezo’ unaj u táan óoltik u p’atik ti’ u láak’tsil le máax kiimsa’abo’, táanil unaj u ch’a’a’bal en cuenta  u noolo’ob, u suku’no’ob le kimeno’ob

Tuláakal le diputadosil le Comisionob tu múuch’ aprobarto’ob u jeltúumbensa’al le Codigo penal ti’ u lu’umil Yucatán, bey k’uban tumen le u Diputadai PRI Mirthea Arjona Martin ti’al u tusbeelta’al le loobil Feminicidio ma tun xu’ulul u k’iinil u beeta’al u tak poolil

U láak’ dictamen aprobarta’ab táan le Comisión permanenteo’ leti’e ti’al u jeltúumbensa’al le Código penal,k’uban tumen u coordinadori PRI Felipe Cervera Hernández  ti’al u ts’íibta’al le túumben loobil beey xan u wet’al le Terapias ti’al conversión, u kuuch bo’olil le loobil ti’ máaxo’ob ku beetik wáa ku cha’ik u beetal ti’ wa máax jejeláass ba’alo’ob ti’al u k’exa’al u tuukul bix wa máax u yubikuba’ kex yéetel toop wa ma’, jun ja’ab k’aal tak óoxp’éelu k’aalil yéetel cien wa tak 200 UMAS u multai.

U mayoría le Diputadosob tu aprobarto’ob ma’ u ratificarta’al Luis Jorge Parra Arceo bey u Consejeroi le Consejo ti’ le Judicatura ti’ le Poder Judicial, beey xan k’aata’an ka nupa’ak ichil le dictamenob le u Convocatoria ti’al u yéeya’al u túumbenilo’b, bey tu k’áataj le u diputadosi PAN Rosa Adriana Díaz Lizama, Kathia Bolio Pinelo yéetel Víctor Sánchez Roca.

Le u nojochil le u Juntai Gobierno le Congreso Felipe Cervera Hernández tu tsolaj, le convocatoria ma patalil, ti’ mix junp’éel a’almajt’aan jets’an ku béeytal u beetal
Le óolal le Diputado tu k’ubaj u ju’unil le Voto particular ti’al u láak’ dictamen tu’ux ku k’áata’al ka ratificarta’ak Parra Arceo bey Consejeroi le Poder Judicial

Le u Coordinadorai PAN Rosa Ariana Diaz Lizama tu tsolaj, le Convocatoria beetab le kaj ts’o’ok u xak’alta’al le u noj a’almajt’aanil k lu’umil tumeen táan u kaxanta’al ka ch’enxikinta’ak u t’aan kaaj

Ka’aj núuka’ab ti’ tumeen le diputado Felipe Cervera Hernández le cargos je’ex bix ti’al le Consejero ma’atech u k’a’anankúunsik convocatoria mix u k’áatal ti’ kaaj tumen chéen leti’e Diputados ku tusbeelta’alti’ob u jets’ik máax kun ocupartik le cargo.

Silvia López Escoffie tu ya’alaj, ichil le noj a’almajt’aano’ob mina’an mix ba’al wet’ik ka beeta’ak le k’áatchi’ob

Ka’aj núuka’ab xan ti’ tumen le diputado Felipe Cervera Hernández, je’e máax Dipuitado’e chéen ku béeytal u beetik le ba’ax ts’íiba’ab ichil le a’almajt’aano’ob

Táan le Comisionob ka’a ch’ajo’olta’ab u xak’alil le iniciativa ti’al u jeltúumbensa’al le u a’almajt’aanil sistema estatal ti’al seguridad publica k’uban tumen le u  diputadoi PAN Manuel Diaz Suarez, beey xan le iniciativa ti’al le aministia k’uban tumen u diputadoi Morena Miguel Candila Noh.

 

QUEREMOS SABER DE TI, DEJA TU MENSAJE